Settlers

ဒီကားက IMDbမှာ Sci-Fi လို့တော့ ပြောထားပါတယ်။ ဒါပေမဲ့ သိပ္ပံစိတ်ကူးယဥ်ကားတစ်ကားကိုမှ ကြည့်ချင်တာဆိုရင်တော့ ဒီကားကိုကြိုက်မှာမဟုတ်ပါဘူး။ ဇာတ်လမ်းပုံစံကတော့ ကမ္ဘာပျက်ပြီးနောက်ပိုင်း မားစ်ပေါ်မှာအ​ခြေချပြီးသွားနေကြတဲ့ လူတွေထဲက မိသားစုတစ်ခုကို အသားပေးရိုက်ပြထားတာပါ။ ဒီနေရာမှာပြောချင်တာက သူတို့ဘာလို့အဲဒီကိုရောက်နေတာတွေ ဘယ်လိုအန္တရာယ်ကြုံရတာတွေကို ရှင်းမပြထားပါဘူး။ အဲဒီအစား Chapter လေးတွေခွဲပြီး သူတို့ရဲ့စရိုက်ပုံစံတွေ စိတ်ခံစားမှုတွေနဲ့ သူတို့လုပ်ရပ်တွေကို သူတို့နေရာကနေ ဝင်ခံစားကြည့်လို့ရအောင် ရိုက်ပြထားပါတယ်။ ခြုံပြောရရင်တော့ လူသူမရှိတဲ့ဂြိုလ်ကြီးပေါ်က မိသားစုလေးရဲ့ ကြုံလာရတဲ့ပြဿနာတွေအပေါ်မှာ တစ်ယောက်စီရဲ့ခံယူချက်တွေ ဖြေရှင်းပုံတွေ လက်ခံနိုင်စွမ်းတွေကို မြင်သာအောင်ရိုက်ပြထားတာပါ။